Мамандықты дұрыс таңдағаныңызға сенімдісіз бе? Әлемде сіз атын естімеген ерекше мамандықтар бар. Мүмкін солардың ішінен жаныңызға жақын жұмысты табарсыз. Ендеше әлемдегі ең қызықты мамандықтармен танысып көріңіз.
Панда бағушы
Қайда: Қытай
Еңбекақысы: жылына 32 000$
Міндеті:
365 күнді сүйкімді жануарлармен бірге өткізу, бағып-қағып, құшақтау, қайғысын да, қуанышын да бөлісу.
Талаптары:
22 жастан бастап қабылдайды;
панда туралы көп нәрсені білмеу керек;
фотоға түсіру қабілеті болу керек.
Бонус: тегін тамақ пен жатын орны кіреді.
LEGO-ны зерттейтін профессор
Қайда: Англия, Кембридж университеті
Еңбекақысы: 6 000 000$ жоғары
Талаптары:
педагогика саласы бойынша білімі;
креативті ойлау қабілеті;
көшбасшылық қыры болу керек.
Lego конструкторына деген үлкен махаббат қажет.
Аралдағы маякты бақылаушы (ерлі–зайыптылар, жұптар)
Қайда: Австралия (Тасмания)
Еңбекақысы: волонтерлік жұмыс ретінде қарастырылады, бірақ компания транспортпен, жатын орынмен қамтамасыз етеді.
Міндеті:
арал мен маякқа қарау, метеорологиялық есептер жүргізу, көгалды ретке келтіру, теңізді бақылап отыру.
Уақыты: қыркүйектен наурызға дейін
Жұмыстың ерекшеліктері: төрт бөлмелі жекежайда жылытқыш, радио, телефон бар, бірақ интернет пен теледидар жоқ. Жұмыс ұсынушылар отбасылық жұптарға сенім артады.
Бонус: ешқандай көрші болмайды.
Видео–ойындарды тесттен өткізуші
Қайда: өз үйіңде немесе офисіңде
Еңбекақысы: жылына 30 000$
Міндеті:
түрлі видео-ойындарды ойнап көру, ойын құрастырушыларға сюжет пен графикада кеткен қателіктерді, әлсіз тұстарын айтып отыру.
Талаптары:
тәжірибелі геймер болу керек;
ДК-мен жұмыс істеуде жалпы білім қажет.
Бонус: видео-ойынды бірінші боп ойнау және белгілі бір деңгейде құрылымына әсер ете алу.
Аралды басқарушы
Қайда: Мальдив Республикасы
Еңбекақысы: айына 20 000$
Міндеті:
аралға тазалық жұмыстарын жасау; қыдырып келушілерді күтіп алып, шығарып салу; мейрамхана, бар, кафелердің жұмысын тексеру; яхта, гидроцикл, басқа да су көліктерін бақылау.
Талаптары:
қонақ үй, мейрамхана, фитнес-клуб, т.б. басқаруда тәжірибесі бар адам қажет.
Бонус: жекеменшік құмды жағажай мен теңіз жағасындағы үй
Торт, тәтті тоқаштар дегустаторы
Қайда: Ресей (Санкт-Петербург), Бельгия
Жалақысы: айына 2 000$
Міндеті:
Апта сайын 2,5 кг тәтті жеу: 10 торт, 14 тәтті тоқаш, 7 тарт, 6 птифур, 11 десерт;
дәміне, түсіне, құрамына, тығыздығына баға беру.
Талаптары:
жетілген дәм сезу мүшесі;
аллергияның болмауы;
позитив пен белсенділік;
жұмыс тәжірибесі.
Бонус: Бельгияда тәжірибеден өту, фитнеске тегін қатысу, компанияның өнімдеріне жеңілдіктер.
Қонақ үйдегі төсектерді тесттен өткізуші
Қайда: әлем (танымал туристік мекендердегі қонақ үйлер)
Еңбекақысы: келісім бойынша
Міндеті:
қонақ үйдегі бөлмеде ұйықтау, алған әсері жайлы блогта жазу немесе таңертең оянғанда қонақ үй басшылығына баяндап беру.
