ҚР Білім және ғылым министрі 2021 жылы 27 шілде күнгі «Орта білім беру ұйымдарында 2021-2022 жылғы оқу жылын бастау мен жалғастыру, демалу кезеңдерін анықтау» туралы бұйрыққа қол қойды.
Бұйрыққа сәйкес, биылғы оқу жылы әдеттегідей қыркүйек айынан басталады. 1 сынып оқушылары 33 апта, 2-11 (12) сынып оқушылары 34 апта оқиды.
Ал демалыс күндері мынадай:
– 1-12 сынып оқушылары күзде – 7 күн (2021 жылы 1-7 қараша), қыста – 11 күн (2021 жылы 30 желтоқсан мен 2022 жыл 9 қаңтар аралығы), көктемде – 12 күн (19-30 наурыз күндері) демалады.
– 1 сынып оқушылары қосымша тағы 7 күн демалады (2022 жыл 7-13 ақпан аралығы).
Бұйрық 2021 жылы 9 тамызда күшіне енеді.
