Күзге таяу елде көмір қымбаттайды. Осылай дейді ҚР Индустрия және инфрақұрылымды дамыту министрлігі.
«Көмір өндіруші кәсіпорындардың шығынын есептей келе биыл көмір бағасының өсетініне көз жеткіздік. Электрэнергия, жанар-жағармайға шығын өсті, шахта қондырғыларының бағасы 1,6 есе қымбаттады. Сондай-ақ, кәсіпорын жұмысшыларының еңбекақысы да көбейтілді», – деп түсіндірді министрлік.
Сарапшылардың есептеуінше, биыл көмір бағасы шамамен 9,9-24 пайыз аралығында қымбаттамақ. Бәрі көмір маркасына байланысты.
«Мемлекет нарықтық қатынастағы саланың баға ұстанымын ұстап тұра алмайды. Қазақстанда көмір өндірісі монополияға жатпайды. Көмір шахтадан алынып, тауарлық биржа бағасымен сатылады», – деп түсініктеме берді министрлік.
