Елге Қытайдың тағы бір вакцинасы жеткізілді
![](https://qadam.asia/wp-content/uploads/2021/08/vak-780x470.jpg)
ҚР Денсаулық сақтау министрі Алексей Цой жақын арада Қытайдан тағы бір вакцинаның түрі келетінін айтқан еді. Бұл вакцина – Дүниежүзілік денсаулық сақтау ұйымы мақұлдаған екпе.
Бүгін, 10 тамыз күні, Қытайдан Sinopharm вакцинаның алғашқы партиясы Алматы қаласына келіп жетті.
Бейжіңнің биологиялық өнім институты жасап шығарған коронавирусқа қарсы бұл вакцинаны Қазақстан 4 млн дозасын алуға келісімшарт жасаған. Алғашқы партиямен 1 млн данасы жеткізілді.
«Sinopharm вакцинасын тасымалдау жеңіл. Мұздатқыш керек емес. 2-8 градус температурада тұра береді», – дейді ҚР ДСМ.
Аталмыш екпені Дүниежүзілік денсаулық сақтау ұйымы 2021 жылы 7 мамырда мақұлдаған. Инактивті екпе, екі дозадан тұрады. Сақтау мерзімі – 2 жыл.
Бұл вакцина – Дүниежүзілік денсаулық сақтау ұйымы мақұлдаған қытайдың алғашқы вакцинасы. Қазір 45 елде қолдануға рұқсат берілген.