Егер сіз жасырын қасиеттеріңізді ашып, өзіңізді жақсырақ түсінгіңіз келсе, суретті тесттердің көмегі тиері анық. Мәселен, төмендегі суреттен ең бірінші нені көрдіңіз? Ең алдымен қай сюжет көзіңізге жылы ұшырасты? Бірнеше секунд анықтап қарағаннан кейін барып, жауаптарын оқыңыз.
Жауаптары сіз жайлы 100% айтып бермеуі мүмкін, бірақ өзіңізге беймәлім қырларыңыз жайлы сыр шертетіні анық.
Адамның басы
Сіз шынайы әрі ашық адамсыз. Үнемі ойыңыздағыны тіке айтасыз. Сіздің туралығыңыз бен шыншылдығыңызды ақиқаттың көзіне тура қарағысы келмейтіндер жақтырмауы мүмкін. Бірақ жақындарыңыз сізді осы қасиетіңіз үшін бағалайды.
Теңіз
Теңізді эмоцияларын ішке жасырып үйренген адамдар таңдайды. Сыртқа ештеңе білдірмеуге тырысасыз. Өйткені бұрындары эмоциямды көрсетем деп өкінген болуыңыз керек. Бұл тәжірибе сізді бәрін іште ұстауға үйреткен сыңайлы.
Кеме
Кемені ғажайыпқа сенетін және шығармашылық қабілеті бар адамдар көреді. Мұндай адамды ашық, тіпті аңғал деуге болады. Осындай аңғалдықтың кесірінен жиі азап шегуіңіз де мүмкін.
Жазу
Жазуды көретін адамдар есепшіл, әр нәрсенің бағасын білетін жандар. Олар қай жерде үндемеу керектігін, қай жерде шынайы ойын білдіруге болатынын жақсы біледі. Бұл қасиеттер оларға мансап құруға және қаржылық жағынан тәуелсіз болуға көмектеседі.
